الملاك
الملاك اللى كان بيقول هضيع لو ضعت منّى
الملاك اللى كان بيقول هموت لو غبت عنّى
الملاك اللى عمرى ماكنت اصدق يوم يخوننى
الملاك اللى كنت معاه يادنيا بحس انّى
زى طير عاشق وكان فرحان زيادة
كنت حاسس انى طاير من السعادة
كنت اخاف لما الزمن يبعدنا ليلة
كنت شارى وكان مليش احلام بديلة
جى يقوللى بعد اخر رحلة العمر الجميلة:
انا مش معاك
الملاك اللى قال حبك قدر مكتوب عليّا
الملاك اللى قال وانا فى الخطر هيحس بيا
الملاك اللى كان هو الأمل فى الدنيا ديّة
الملاك اللى قال نفسى الزمن يرجع شوية
وابقى ليك وابدا معاك نبض اشتياقى
واللى فات من عمرى والعمر اللى باقى
اللى قال بعدك بحسّ بألف ويلة
اللى قال غربتنا صعبة ومستحيلة
جى يقوللى بعد اخر رحلة العمر الجميلة:
انا مش معاك
هان عليه قلبى اللى كان ع الحب باقى
هان عليه اجمل سنين وعد وتلاقى
اللى كان هو الأمل فى الدنيا ديّة
اللى قال نفسى الزمن يرجع شوية
وابقى ليك وابدا معاك نبض اشتياقى
واللى فات من عمرى والعمر اللى باقى
اللى قال حبك قدر مكتوب عليّا
الرئيسية 
