بسم الله الرحمن الرحيم
عمدة بلدنا العمده سليم
عزم الناحيه علي فرح ابراهيم
ابراهيم الحيله علي خمس بنات
تحبه وتعشقه زي سكر النبات
قال لابوه جوزني ست البنات
حلف سليم علي نفسه
ليجيب لابراهيم عفشه
ويجهزله عروسته
وليلتها خطب ابراهيم
اختارله ابوه ست الحريم
وابوها راجل زوق وكريم
وافق لما عرف انه ابن سليم
قعدوا مع بعض وشربوا الشاي
واتفقوا ان الدخله الخميس الجاي
عروسة ابراهيم اسمها جميله
بنت اصل وفصل وعيله
وحلوه وروحها خفيفه مش تقيله
حبها ابراهيم اول ماشفها
كان هاين عليه يقوم يخطفها
والعمده راح عزم الناحيه كلاتها
وبلدنا كانت اول بلد
لانه من صلبنا واحنا السند
وجه يوم الفرح الكبير
سليم دبح العجول والحاجات اللي بطير
والبلد قعدت تاكل في فرح ابراهيم
واللي بيفرق اللحمه العمده سليم
راح ابن العمده يجيب عروسته
علشان يتمم بيها جوازته
ابراهيم مستعجل يا ولداه
اصل الصبر اللي في قلبه كواه
وجت العوالم والطبل والمزامير
بعد ماكلنا اللحمه والحاجات اللي بطير
والعمده كان فرحان
وام العريس كمان
وفجـــــــــــــــــــــــــــــــــــــــــاه
العمده وقع من طوله
هاتوله ميه هاتوله
والجوازه اتقلبت جنازه
والكل بقي محتاس
والكل بيصرخ الحقونا يا ناس
وفجــــــــــــــــــــــــــــــــــأه
العمده فاق
بسلامته كان بيهزر سليم
عاوز يشوف غلاوته في قلب ابراهيم
وتوته توته فرغت الحدوته
مع تحياتي,,,,,,,,,,,روميووووووووووووووووووووو