لو ربنا نفخ فى صورتك واتخطبتى

بسم الله الرحمن الرحيم


حتى تأخذي بخطيبك من مركب الخطوبة إلِّي محدش عارف هاترسى على إيه.. إلى

مثوااااه الأخير في قفص النسانيس قصدي قفص الزوجية السعيد ..
أجمل ما في الخطوبة العزومات الرومانسية.. على أحلى محلات

أكل في البلد.. واللي عمرك مانتي شايفاها بعد الجواز.. المهم

نصائحي لك عند أي عزومة مع خطيبك..

- الأول لازم تعرفي إن الشوكة والسكينة بيتمسكوا من إيديهم من

الطرف يعني مش من الوسط ولا من البوز زي الخنجر ولا من فوق طبعًااا


2 - العيش أوعي تفضحينا وتقطعيه بسنانك.. ولا الرغيف نصين بإيدك

وكل نص لقمة وتحشري.. أوعي.. العيش بيتقطع بالسكينة في

الطبق.. وبعدين تاخدي لقمة.. لقمة .. بالعافية.. قال يعني نفسك

مسدودة.. اضغطي على أعصابك جدااا وبعدين لما تروَّحي.. إبقي

اطفحي زي ماانتِ عايزة

- الشوووربة.. أبوس اييييدك.. بند الشوربة ده مهم جدًاااا

الشوربة تتشِرب من غير صوت خالص.. ومن غير ماتقعدي تنفخي

فيها.. زي القهوجي اللي بينفخ في الحجر للزبون.. وطبعًاااااا عايزِك

تنسي تمامًا.. الطاسةاللي بتحطيها في بقك في البيت

بالمعلقة وبدون صوت.. سخنة, ولعة , برضه بدون صوت

وتسيبي تلت الطبق ع الأقل.. مش تميليه.. عشان تلهفيها لآخر نقطة

- الرز طبعاً .. بيتّاكل بالشوكة.. أوعي إيدك تتمد على المعلقة

وتغرفي من طبق الرز وتعبّي.. إوعي.. الرز بالشوكة.. وكإنك

بتبوسيه مش بتاكليه

- المكرونة.. الاسباجتي.. برضه بالشوكة.. تتلف على طرف

الشوكة.. لحد ما تخلص وبعدين تحطيها ف بؤك من سكات.. مش

تشفطي المكرونة عود عود

- السمك.. مشكلة.. شوفي.. بتفصلي اللحم عن الشوك

إزاي..؟؟ تقطعي اللحم من النص.. بالطول وبعدين تفردي اللحم على

الجانبين ولما تخلصي ناحية.. متقلبيش السمكة.. بلاش فضااايح

شيلي السلسلة بالشوكة والسكينة وحطيها في جنب الطبق

وكملي أكل النص التاني.. وبدل الفيلم الهندي ده.. نصيحة

ماتكليش السمك خالص.. قولي مابحبش السمك وخلصي نفسك

- الجمبري.. -إذا كنتي عارفاه-.. أول ماطبق الجمبري ينزل.. بصي للجمبري

بطريقة قال يعني زهقانة من كتر أكل الجمبري واتنهّدي جامد وقولي.. برضه..؟؟؟

وتروحي قاطعة راس الجمبريّاية.. بالشوكة.. أنا ف عرضك إنسي المصمصة دلوقتي

- البطاطس سواء مسلوقة أو محمرة.. أوعي تهرسيها وتدبيها على

الرز وتدّي ...لا..لآ...لآ...بالشوكة حتة حتة وإنت زي ما تكوني

هاتعيطي من كتر ما البطاطس صعبانة عليكي

9 - الفاكهة.. لو الفاكهة فيها بذر.. طلعيه من بؤك بالراحة وحطيه في

إيدك وهي مقفولة.. وبعدين في طفاية السجاير اللي ع الترابيزة

أوعي ياحبيبتي من نظام التفتفة للبذر.. إنسي

- ولما تخلّصي أكل تحطي إيدك على بطنك.. -اللي عصافيرها

بتصوصو من العينات اللي كلتيها-.. وتقولي له مش ممكن.. أنا

عمري ما اتفجعت كدة.. أنا قدامي أسبوع.. هابطّل أكل فيه

وبعدين تمسكي الفوطة اللي دايمًا موجودة على التربيزة من غير

لزمة.. وتبوسيها.. آل يعني بتمسحي بؤّك

وبعدين تستأذني منه لإصلاح ماكياجك.. تدخلي التواليت

وتطلعي من شنطة إيديك.. لفة الفول والفلافل اللي جايباها

معاكي.. وبالهنا والشفااااااااااااا

يلهووووووووووووووووووي ياعم روميوووو
ععليا النعمه لو في بت قرات الموضوع ده
هترفض الجواااااز اسهل والله

ههههههههههههه لا انا مهخرجش اصلا بس يعنى نظام اتكيت لازم نحافظ عليه
ميرسيى على النصايح الغالية بس احلى حاجة بتاع السمك لان مبحبوششششششش
موضوع هايل نتمنى المزيد.

جميل روميو بس الحمد لله طمنة قلبنا بصراحة
بس ممكن مخرجش اكل هو لازم ماكل ف بيتى اخرج للفسحة بس
هو السمك بيتاكل اصلا ده زينة وبعدين صحيح ايه ياعم روميو لو ربنا نفخ ف صورتنا اوكي
_______________________________________
كل واحد مننا له ماضى له ذكرى لو قلبك نسى اكيد عنيك فكرة

لا والله ماقصدى ده مش ليكى طبعا دانتى قمرا ولا ايه..............وعلى العموم شكرا ليكم كلكم على الردود الجميله دى

ايه الموضوووووووووووووووووووووووع دة حرام عليك ياااااااااشيخ

وبعدين مفيش سمك بشوك دلوقتى انت قديم اووووووووى

هههههههههههههههههههه
ال يعني هو اللي هيعمل كل الحاجات دي متديلو دروس هو كمان
وبعدين احنا نروح ناكل فول اسهل

وناااااكل ليه اصلا بره البيت

وانت مالك وانت بتاكلنا من جيبك

وبعدين ياااااااحبيبى احنا لو مكلنااااش نمووووووت

مش زيكم عااااااااااااااااااااااادى لو مكلتوووووووش

ههههههههههههههههههههههههههههههه
متعرفوووش تعملوا حااااااااااجه