قصيدة شع_____________________ر
زمن العيون مظلومة
ومش بهواها
تعيش تموت وسط دموعها
اللى محوطاها
تاه لونها ونورها
وحاجات كتير عايشاها
بقت تغمض تفتح
مش فارقه تملى معاها
واه لو جالها فرح
تضمو وتاخدو جواها
يقوم يجرى يخونها
يسيب جرحه وراها
وتاخد امل ووعود
بعيون تانى حاساها
يمكن تلمس حنان
وتحس بامان وياها
لا عيون اوعى تقربى
واديلها نورك فداها
هاتجرح رمشك وتنسى
وتقول انا مش فاكرها
ياعيون
ذنبك انك ضعيفه
واللعبه ولا تعلمناها
لازم نعرف نخبى
وندارى اشواق شوفناها
وندوس على طريق بكره
ونبعد سكك لاقيناها
لاقيناها
شوك بيقطع فى جسمى
وكأنك مش عارفاها
طريقنا سوى ياعيون
اوعى تكونى ناسياها
طريق سفرى البعيد
مالوش رجعه والوحوش مالياها
اياكى ياعيون تحنى ل دنيا
ولا تبقى فى يوم واحشاها
الرئيسية 
