الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  

شاطر | 
 

 شوفوا ايه اللى هيحصل فى 2080

اذهب الى الأسفل 
كاتب الموضوعرسالة
romio

avatar

الرتبه : مشرف على القسم الرياضى
الجنس : ذكر
الابراج : الجوزاء
عدد المساهمات : 522
تاريخ التسجيل : 01/12/2009
العمر : 24
العمل/الترفيه : القاء الشعر ولعب كرة القدم وحبيب جامد
المزاج : سماع الموسيقى الهادئه

مُساهمةموضوع: شوفوا ايه اللى هيحصل فى 2080   الخميس ديسمبر 31, 2009 8:54 am

ا
شوفوا ايه اللى هيحصل فى 2080 وده مثل يعنى.........

لحفيدة : جدو تامر إزيك .. حلو البدي اللي انت لابسه ده . بس ده
موضة قديمة قوي يا جدو
الجد : يا بنتي أنا راجل دقة قديمة وبالبس زي ما جيلنا اتعود وحسب
التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه
ويحافظ عليه .. فين أيام زمان لما كنا نلبس البدي اللي مبين البطن
والظهربس، مع البنطلون السترتش الجلد والجوانتي الجلد... كانت حاجة
آخر روشنة

الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما
يعلم بيها إلا ربنا .. فين أيام سنة 2002م ، هو الواحد فينا كان
يستجري يشرب سيجارة البانجو ولا يسحب له سطر بودرة قدام أبوه؟ طب ده
الدنيا كانت تتقلب ساعتها وما تتعدلش .. أمال إيه .. كان فيه حاجة
اسمها أخلاق
الحفيدة : معقول يا جدو؟ للدرجة دي!!؟؟
الجد : أمال انتي فاكرة إيه .. وبعدين كانت الست من دول ما تلبسش
اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي
دلوقتي!
الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا
نسمع الطرب الأصيل لمطربين حقيقيين زي مصطفى قمر ، وعمرو دياب ،
وكانت الأغنية مدتها أكثر من دقيقتين متواصلين من الطرب الأصيل
والسريعة الروشة اللي تعمر النافوخ بصحيح كانوا مطربين روشين طحن
وكله كوم والست كوم تاني

الحفيدة: ومين الست دي يا جدو
الجد: في حد مايعرفش الست...نانسي عجرم طبعا
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيح
انقرضت ، بس
كان ليها طعم عن دلوقتي ، يا سلام لما كنا نحطها في الووكمان ونعلقه
في حزام البنطلون ونمشي في الشارع كده ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي
سوسو صاحبي
لأنه بايت معايا في الأودة من امبارح ..

)بعد عدة دقائق) هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا
رايق وعدد التلاميذ فيه ما يزيدش عن ستين سبعين تلميذ ، وكنا ساعتها
بنعرف نفهم الدرس كويس مش زي دلوقتي ، وكانت الشوارع أيامها فاضية
لأن مصر كلها كان تعدادها 70 مليون مش أكثر ، تخيلي بقى الروقان
اللي كنا فيه؟


الحفيدة : 70 مليون بس؟!!
الجد : أمال إيه .. علشان كده كانت كل حاجة رخيصة ، يعني مثلاً
كيلو اللحمة يوم ما يضربه الدم كان يبقى بخمسة وعشرين جنيه أو بخمسة
وتلاتين جنيه ، وكان أتخن جوز جزمة بمتين وخمسين جنيه ، وكان الواحد
يقدر يشتري شقة تمليك بـ 350 الف جنيه بس .. وكان الدولار بستة جنيه
بس تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة
يبتدي يفكر في الجواز على طول ، وما كانش عندنا الأفكار الغريبة
اللي بتعملوها دلوقتي زي إن البنت تعد مع الولد كام سنه قبل الجواز
علشان يتعرفوا على بعض أكثر زيك انتي وسوسو صاحبك ، أنا شخصياً شايف
إن ده وضع مش لطيف ، ده احنا يا بنتي على أيامنا كان لا يمكن البنت
تتأخر بره البيت عن الساعة أربعة صباحاً ، طب ده باباها كان ممكن
ساعتها يخاصمها

الحفيدة : ده انتوا كنتوا متزمتين خالص ياجدو !!!

الجد : يا بنتي إحنا اتربينا على الأخلاق والفضيلة والعادات
والتقاليد .. يعني كان الواحد مننا زمان لما يدخل الأسانسير ويلاقي
جاره في الأسانسير ممكن يفكر يصبح عليه ، ومش بعيد كان يسأله عن
أحواله ... وكانوا أهل الفن محتشمين جداً وكانوا دايماً يطلعوا
بالمايوهات البيكيني ، والمذيعات كانوا يقعدوا جنب الضيف مش على
ركبته زي دلوقتي... هيـ يـ يـ يـ ـه الله يرحم دي أيام

الحفيدة : رايح فين يا جدو
الجد : أصلي كنت موصي الجزار على اتنين كيلو لحمة وأعطيته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ ..
تشاو .. سي يو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: شوفوا ايه اللى هيحصل فى 2080   الخميس ديسمبر 31, 2009 5:28 pm

ههههههههههههههههههههههههههههههههه
خياالك وااسع اوي ياروميوووو
طب ما تتشوفلنا 2011 هنعدي من الثانويه العامه ولا لا
ههههههههههههههههههههههه جااامده موووووووووت ياروميوووووو
الرجوع الى أعلى الصفحة اذهب الى الأسفل
bolbola
Admin
Admin
avatar

الرتبه : Admin
الجنس : انثى
الابراج : الاسد
عدد المساهمات : 791
تاريخ التسجيل : 14/08/2009
العمر : 25

مُساهمةموضوع: رد: شوفوا ايه اللى هيحصل فى 2080   الخميس ديسمبر 31, 2009 8:11 pm

هههههههههههههههههههههههههههههههههههههه
فعلا خياله واسع اويىىىىىىىىىىىىىىى
بس موضوع جميل تسلم ايدك

ــــــــــــــــــــــــــــــــــــــــــــــــــــــــــــــــــــــــــــــ

التوقيع

ــــــــــــــــــــــــــــــــــــــ


سارحل عن الدنيا بصمت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
!!NEFERTITI!!
Admin
Admin
avatar

الرتبه : Admin
الجنس : انثى
الابراج : الدلو
عدد المساهمات : 873
تاريخ التسجيل : 16/07/2009
العمر : 25

مُساهمةموضوع: رد: شوفوا ايه اللى هيحصل فى 2080   الخميس ديسمبر 31, 2009 10:22 pm

ههههههههههه خياله للمدى البعيد
بس فعلا وقتها هنجيب رغيف العيش بالف جنيه
وكيلوا الجبنة الرومى الى متتكلش ب 20الف
دا احنا هنشوف ايام زى العسل
ثانك يو روميو

ــــــــــــــــــــــــــــــــــــــــــــــــــــــــــــــــــــــــــــــ

التوقيع

ــــــــــــــــــــــــــــــــــــــ

عندما ترى شخص يضحك
كثيرا وعلى اشياء شبه تافهة فأعلم انه حزين ...... عندما ترى شخص ينام كثيرا نصف يومه فأعلم أنه مجروح..... ............ عندما ترى شخص لا يتكلم وإن تكلم يتكلم بسرعة فأعلم أنه كتوووم.... عندما ترى شخص لا يبكي فأعلم أنه ضعيف ...... عندما ترى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mido

avatar

الجنس : ذكر
الابراج : العقرب
عدد المساهمات : 832
تاريخ التسجيل : 14/08/2009
العمر : 22
المزاج : تمام والحمد الله

مُساهمةموضوع: رد: شوفوا ايه اللى هيحصل فى 2080   الجمعة يناير 01, 2010 7:48 am

هههههههههههههههههههههههههههه اية يبنى الايام العجيبة دى خيال وااااااااااااااااسع جدا
بس تحفة تسلم ايدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
romio

avatar

الرتبه : مشرف على القسم الرياضى
الجنس : ذكر
الابراج : الجوزاء
عدد المساهمات : 522
تاريخ التسجيل : 01/12/2009
العمر : 24
العمل/الترفيه : القاء الشعر ولعب كرة القدم وحبيب جامد
المزاج : سماع الموسيقى الهادئه

مُساهمةموضوع: رد: شوفوا ايه اللى هيحصل فى 2080   السبت يناير 02, 2010 11:54 pm

شكرا اوى اوى ياجماعه لمروركم الجميل وردودكم الاجمل

وخيالى مش واسع ولا حاجه هى دى الايام الجيه بجد ايام سوده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شوفوا ايه اللى هيحصل فى 2080
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى العام :: قسم جديد#جديد-
انتقل الى: